對不起 很想跟我的父母和家人說句對不起

「唉! 你都沒有家人的心,就只顧著自己。
    對待你的朋友比家人還要好。」
不知為何 我常常都給家人用這句話罵我
以前聽到這句說話
總是覺得很反感
心想: 怎麼說得我這麼冷血?

可能是因為兄弟姐妹的關係
我跟兩個姐姐的年紀差太遠
又跟兩個弟弟的年紀差太遠
所以從小到大
都慣了不跟他們說自己的事
二家姐經常追問:
為何我從來都沒有聽過你跟我說你喜歡誰誰誰?
我每次都答: 唉 我是真的沒有喜歡的人嗎 怎跟你說?

其實我又怎會做了十八年人都沒有喜歡過男孩?
只是不知道怎麼開口跟她說
又硬是覺得說出來 她會覺得我很幼稚
以為我是愚昧無知的小女孩
所以就選擇不說 
每次都只聽她辟哩巴啦的跟我訴一大埋苦
二家姐的愛情故事
我可是由她小學到現在都知得一清二楚的 =)
可是我的呢  二家姐卻一無所知
也難怪二家姐曾經一度認為我是喜歡女孩子的
所以不敢跟她說 哈

就是這樣
我習慣了在家中做一個「接收」的角色
好像從來都沒有為他們「付出」過甚麼
我一直都以為只要顧好自己的事 讀好書 考得好成績
就是對他們的一種回報
殊不知  其實成績考得好不好
得著是自己的  不是父母的
其實我從來就沒有給過父母甚麼
坦白說
爸爸 媽媽 祖母的生日 我是近這幾年才記得清楚
我從來不會在他們生日時 為他們做些甚麼 準備甚麼驚喜
常常推說: 唉 我的父母都不接受這一套的 他們喜歡平淡簡單

可是在我的生日呢?
還記得有一年
他們一早為我準備好生日蛋糕
還打電話叫我快點回家切蛋糕
雖然弟弟們明天一早要上學
爸爸很晚才下班回家很累
父母明天一大早又要起床為我們準備早餐 上班
可是他們等得我很晚 很晚 我都還沒有回家
我在做甚麼呢?
那時候我在跟 我認為比家人還重要的人慶祝我的生日
他們的來電我是知道的  可是我沒有接
我就只顧自己在外面玩樂 慶祝
結果我回到家時 他們都睡了

近這一兩年
我發覺自己我行我素得更緊要

上學年 就因為自己決定了要留班
不論父母 二家姐怎麼勸我
我決定了就是要一意孤行
那時只覺得他們不明白我
「吵架就吵架吧 反正我是無論如何都堅持要留班的」

常常跟朋友聚會 吃喝玩樂 通宵達旦
如果家人不打電話來追問
我絕少主動打電話告知父母一聲
甚至有時還故意把電話關掉
從來沒想過一個女孩子整晚在外沒回家
其實父母是真的會擔心的

今年爸爸的生日
爸爸特地請了半天假跟我們吃一頓飯慶祝
可是我就只拋低一句: 音樂比賽完了要跟同學打邊爐慶功
也就真的頭也不回 就跑去慶功了

不論是否上學的日子
大清早就出門 然後就在自修室溫習到很晚才回家
( 甚至有陣時是溜了去耍樂而不是溫習)
不要看我家庭成員好像很多
其實爸爸 媽媽 二家姐都要上班
大家姐又已經嫁了 有自己的家庭
我又差不多每晚都不回家吃飯
其實每天真正坐下來吃飯的
就只有祖母和兩個弟弟 很冷清
每晚都要祖母剩下飯菜給我
不回家吃飯又不會打電話回家說一聲
對 有時媽媽和祖母勸我先在家吃午飯才出門
我還要對他們破口大罵 =(
有時都會想一想 其實我每天待在家中的時間有多少?
我在家的活動就只有吃和睡  那家跟酒店有甚麼分別?

其實我真的很自私 尤其對我的家人
在外面交朋友時
約了朋友最後爽約 或者沒有履行承諾 遵守約定
都會想: 對朋友這樣不太好吧?
但為何我從來都不會對我的家人這樣想?
我一直以來將家人對自己的好太過當作理所當然了
其實父母真的很寵我
我有任何要求
他們在能力範圍內一定會滿足我
甚至有時我沒有要求的
他們都會給我驚喜和bonus
每次意見不合  都是他們作最後讓步
但我真的沒有為他們做過甚麼
沒有考慮過他們的感受
真的沒有關懷家人的心
我一直以為自己有  但其實沒有

所以明天是除夕
就一於由明天開始吧
為何大時大節一定要在外玩樂?
為何一定要有約會?
其實在家裏陪伴家人也不錯
不要覺得大時大節留在家中是一種恥辱或甚麼
其實家人才是最需要我們陪伴的
就算留在家中只是無所事事也好
哈 你說我dry也好 但我覺得這樣很warm =)
我覺得
是時候要有多一點家人的心了 =)

是很長篇 又很語無倫次
若以上的你通通都看不懂
我只想說: 其實我真的很感謝我的家人 很愛我的家人 
                  對不起 我以前太自私 太任性了

-星期日同jen,yuki,jco,condom,tat, fatming
去左elements既the grand cinema 睇 <<2012>>
其實老早就已經愛上左呢個cinema
只不過係因為冇再出jordon補習
加上懶得去到咁遠先少左去the grand 睇戲
<<2012>> 好好睇wor (至少我個人認為)!!
加埋the grand 果度d chair 一重低音果陣就震!
效果好震撼!
有一幕睇到好感動有流眼淚-_- 哈
快快推介大家去睇!!!!!!! =)

- 而家日日番學最開心+期待就係放學練mus con
haha 好有番學等放學既感覺!xd
今日第1次almost齊人練習!! =)
最尾臨走一齊嗌7C果下好正!!!xddd
唔知點解我好似感受特別大
可能係因為「獨在異鄉為異客 每逢佳節倍思親」啦xd
( 句野查實係咪咁-_-? )
總之大家要一齊加油!!!!
其實個過程先係最值得回味!! ^__^

-我發覺自己真係唔可以再依賴咖啡
開始feel到有d副作用-_-
次次小息飲完之後
個心都跳得好快 個人好似好心急坐唔定咁
好似今日小息之後果堂acct
做果題goodwill既數咁
明明其實唔係quiz又唔係唔夠時間
但成個人節奏好快  叫自己慢慢黎
之後轉個頭又好心急-_-

- 可能因為呢期放左學都留低練mus con
冇去到自修室-_-
所以終於打破左我keep左
為期2個多月既"不欠功課紀錄"
又可能因為呢期天氣凍
總係覺得成個人懶洋洋唔想take action咁 /_\
好啦好啦
我承認以上都係俾自己既一大堆excuse
不過真係唔可以繼續落去
要快d 返回正軌
一開左個頭 就會衰開有條路 -_-
我好記得自己上年都係由11,12月開始衰落
之後就一去不復還 /_\
所以唔可以再重蹈覆轍!!!!! .\_/.

-鼻敏感的人有福了xd
話說呢期開始步入冬季
深受鼻敏感影響既我實在係忍無可忍
最後去左買隻鼻敏感藥 << 佳力天>>
今日食完之後番學
真係全日乜鼻水 乞次都冇wor @@
所以忍唔住要係度賣下廣告!
又速效又冇睡意!!!
at least對我黎講好有效xd
建議鼻敏感嚴重既人可以去買黎試下!!! =)

** 唔經唔覺打左咁多 又係時候收手啦xd

未出發 先興奮!
--

今日真係好開心! =)
同阿mao,杜珈蔚, c ting, yiu ka yan 去左mui wo@@
本身係諗住為左遲d我地班既school picnic去做d preparation!
點知prepare完之後,
仲有好多時間剩我地就去左沙灘玩 ^__^
之前一直好想放風箏都未放到!
點知好好彩地,
咁岩yiu ka yan都想放!@@
於是就買左風箏去一齊放啦!!!! ^___^
玩得好開心!!! haha
最lucky係遇到一個外國人!
佢應該係好professional果d@@
因為佢放既係「兩線風箏」!
全香港係得佢同另一個香港人會玩@@
跟住佢不停過黎教我地點放,又幫我地放!
我地用英文同佢溝通,
點知佢教我地英文!!!!
原來佢係英文老師黎嫁 @___@
最後大家一齊傾下玩下,足足玩左2個幾鐘!! =)
又學識放風箏又學到英文!!
大家都玩得好開心又滿載而歸! haha!!
希望school picnic果日都可以見到個外國人啦!! ^___^
最後番左去上水打邊爐 dinner @@
沿途都影左好多相!!!! ^^
好耐冇試過咁relax!
緊繃完一排去放鬆下自己,
真係好似差足電咁呀!!@@

>> 希望 school picnic果日大家都玩得開心 =)